اخدت وقت طويييييل على ما اخدت قراري اني
اكتب في مدونة على النت . اصل بصراحة
الموضوع كبييييييييييييير على فكرة و له ابعاد كتير
اولا
: انا اصلا بحب الكتابة جدا من
زمان بس عمري ما اظهرت كتاباتي لحد مش
علشان مثلا اانا مش مقتنعة بيها لأ لكن
علشان اراء الاخرين بالنسبة ليا ساعات بتكون محبطة و كمان انا باكتب علشان نفسي مش علشان اوريها
لحد بمعنى اصح باكتب علشان اخرج افكاري
للنور مهما كانت محبطة او مضحكة احيانا
, ما كنتش محتاجة لحد اوريها له الكتابة كانت بالنسبة ليا زي ما في فيلم هاري
بوتر لما مدير المدرسة كان بيخرج اسراره و
ذكرياته في الحوض المائي علشان لما في يوم يحتاجها يلاقيها و يفتكرها
و يقول : " يااااااااااااااااااااه
سبحان الله انا مريت بكل ده و لسه
عايش " ده script جديد
لهاري بوتر ما تخدوش في
بالكوا J طيب اكيد السؤال البديهي و ايه اللي خلاكي
تكتبي دلوقتي و توجعي دماغنا و تظهري
كتاباتك للواقع ؟؟ اقولكوا ممكن نوع من التغيير او نوع من المشاركة في الاراء او نوع من
التواصل الفكري مع اشخاص من العالم
" بمعنى اني انا شخص بيفرح لما الاقي ناس زيي و اني مش لوحدي سواء في الحاجات اللي بتفرحني او بتضايقني
باحس ان حتى لو مريت بظرف صعب هيعدي زي ما حد مر بيه قبلي و لسه عايش ما ماتش
و لا اتهز لكن صبر و كمل ووصل J
احساسي ده عشت عليه فترة طوييييييلة من
الزمن و ساعدني جدا اني اكون لسه
عايشة و اتمنى ان كتاباتي تمثل لحد دعم او حتى فضفضة من اللي جواه
علشان يقدر يكمل و ما يحسش ابدا
انه لوحده J
ثانيا :
الكتابة بتخرج احساس الواحد و افكاره حتى اذا كان هو في كلامه العادي و
المعتاد مش قادر يوصل فكرته صح الكتابة وا نت بتكتب تقدر تعمل delete اذا كتبت حاجة غلط " بمعنى انك ممكن تراجع نفسك " انما في الحياة العادية الكلمة اللي
بتقولها ممكن ما تكونش بتعنيها بمعناها اللفظي
و لكنها طلعت منك ممكن تكون عندك
حق فيها او مش عندك حق لكنها طلعت و ممكن
تكون جرحت حد و انت مش قصدك انك تجرحوا لكن اهو اللي حصل او ممكن تكون خرجت في وقت الشخص التاني ده مش
متقبلها فيه " يعني ممكن كان يقبلها
في وقت تاني و يفتح مجال للحوار " لكن دلوقتي انت قولتها و عملت تاثيرها و كان وقتها غلط L
ممكن ناس تقول ما انت ممكن تعتذر بس مش دايما
الاعتذار ينفع ممكن تسمع " انا قبلت اعتذارك " لكن مفيش حاجة ترجع زي الاول تاني و دايما تحس ان اصبح فيه حاجز بينك و بين الشخص
ده بعد كلمة قلتها غلط
الباقي هاكمله في المرة الجاية ان شاء الله
سلام دلوقتي J
MG: by